Ynglyn â’r Gwasanaeth Pensiwn
Lansiwyd Y Gwasanaeth Pensiwn ym mis Ebrill 2002, ac mae'n rhan o'r Adran Gwaith a Phensiynau. Fe'i sefydlwyd i wella'r gwasanaeth roedd pobl yn ei dderbyn, p'un a oeddent yn bensiynwyr eisoes neu'n cynllunio ar gyfer eu hymddeoliad, waeth pa mor bell i ffwrdd y gallai fod.
Rydym am gynnwys cyflogwyr yn y gwaith o ddatblygu polisi ac wrth ddarparu ein gwasanaethau i wneud yn siwr ein bod yn diwallu eich anghenion, a'ch helpu i ddarparu'r opsiynau pensiwn gorau ar gyfer eich cyflogeion.
Yn ogystal â'r Gwasanaeth Pensiwn, mae rhannau eraill o'r Adran Gwaith a Phensiynau hefyd yn gweithio gyda chyflogwyr, ac yn darparu gwybodaeth a gwasanaethau i gyflogwyr fel:
- Y Ganolfan Byd Gwaith
- Yr Awdurdod Gweithredol Iechyd a Diogelwch a'r Comisiwn Iechyd a Diogelwch
- Yr Asiantaeth Cynnal Plant
- Gwasanaeth Anabledd a Gofalwyr
Cewch ragor o wybodaeth am sut mae'r Adran Gwaith a Phensiynau yn gweithio gyda chyflogwyr ar wefan yr Adran Gwaith a Phensiynau.
Cewch ragor o wybodaeth am Y Gwasanaeth Pensiwn ar y wefan hon.
