Darparu mynediad i bensiynau rhanddeiliaid
Eich cam cyntaf yw dewis cynllun pensiwn rhanddeiliaid o'r rhestr o ddarparwyr sydd wedi cofrestru gyda'r Rheoleiddiwr Pensiynau. Mae'n rhaid i'r cwmnïau gwasanaethau ariannol sy'n darparu cynlluniau pensiwn rhanddeiliaid gofrestru gyda'r Rheoleiddiwr Pensiynau yn gyntaf. Gallwch weld y gofrestr o gynlluniau pensiwn rhanddeiliaid cymeradwy ar wefan y Rheoleiddiwr Pensiynau, neu gallwch ysgrifennu atynt i ofyn am gopi. Gweler Rhagor o help i gael eu manylion cyswllt.
Unwaith y byddwch wedi cymharu rhai cynlluniau pensiwn rhanddeiliaid gwahanol ac wedi gwneud eich dewis, yna mae angen i chi wneud y canlynol:
- trafod eich dewis o gynllun gyda'ch cyflogeion cymwys
- dynodi (dewis yn ffurfiol) eich cynllun pensiwn rhanddeiliaid
- rhoi enw a chyfeiriad y cynllun pensiwn rhanddeiliaid i'ch cyflogeion
- dweud wrth eich cyflogeion am eich trefniadau didynnu o'r gyflogres
- gwneud y didyniadau o'r gyflogres os yw cyflogai am i chi wneud hynny
- anfon cyfraniadau eich cyflogai (ac unrhyw gyfraniadau cyflogwr) at ddarparwr y cynllun pensiwn rhanddeiliaid o fewn y terfynau amser a roddwyd a
- cofnodi'r taliadau a wnewch i'r darparwr cynllun pensiwn rhanddeiliaid
