Cynlluniau ar gyfer newidiadau i'r gyfraith
Pensiynau – newidiadau i’r gyfraith
Mae’r dudalen hon yn rhoi gwybodaeth i chi am rai o’r newidiadau a wnaed gan y Ddeddf Pensiynau a allai effeithio ar eich Pensiwn y Wladwriaeth. Mae hefyd yn rhoi manylion am rai o’r cyfraddau budd-daliadau sy’n gymwys o fis Ebrill 2008.
Dim ond ym Mhrydain Fawr mae’r Ddeddf mewn grym ond mae’n fwriad y bydd Gogledd Iwerddon, sydd a’i deddfwriaeth ei hun, yn gwneud darpariaeth tebyg i’w chwsmeriaid yn mhen amser.
Ar ôl cyhoeddi’r Papur Gwyn, Diogelwch ar ôl ymddeol: tuag at system bensiynau newydd, cyflwynodd y Llywodraeth y Mesur Pensiynau, sydd bellach yn Ddeddf Pensiynau 2007.Gwnaeth y Ddeddf y newidiadau canlynol i bobl sy’n cyrraedd oedran Pensiwn y Wladwriaeth ar 6 Ebrill 2010 neu ar ôl hynny:
Mae’r dudalen hon yn dweud wrthych am rai newidiadau a allai gael eu gwneud i’r gyfraith a allai effeithio ar eich pensiynau. Mae hefyd yn rhoi manylion o’r rhai o’r cyfraddau budd-dal sydd yn cael eu gweithredu o Ebrill 2007.
- Dim ond 30 o flynyddoedd cymhwyso fydd eu hangen i gael Pensiwn sylfaenol y Wladwriaeth llawn. (Blwyddyn gymhwyso yw blwyddyn sy’n cyfrif tuag at eich Pensiwn sylfaenol y Wladwriaeth oherwydd cafodd digon o gyfraniadau Yswiriant Gwladol eu talu, eu trin fel petaent wedi’u talu neu eu credydu i chi yn y flwyddyn honno).
- O 2010 bydd Diogelwch Cyfrifoldebau Cartref yn cael ei ddisodli gan system newydd o gredydau i rieni a phobl sy’n gofalu am y rhai ag anableddau difrifol a fydd yn cyfrif tuag at Bensiwn sylfaenol y Wladwriaeth ac Ail Bensiwn y Wladwriaeth.
- Dyfernir credydau Yswiriant Gwladol am gyfnodau lle cawsoch eu cwmpasu gan Ddiogelwch Cyfrifoldebau Cartref cyn 2010. (Mae Diogelwch Cyfrifoldeb Cartref yn lleihau nifer y blynyddoedd sydd angen i chi weithio i gael Pensiwn y Wladwriaeth llawn os nad ydych yn ennill cyflog a’ch bod yn gofalu am rywun, er enghraifft perthynas oedrannus neu eich plant). Mae cael credydau ar gyfer y blynyddoedd hyn yn golygu eu bod yn cyfrif tuag at eich Pensiwn sylfaenol y Wladwriaeth. Mae credydau Yswiriant Gwladol yn eich helpu i gynnal eich cofnod Yswiriant Gwladol yn ystod cyfnodau lle mae’n rhaid i chi fel arfer dalu cyfraniadau Yswiriant Gwladol ond nad ydych yn gweithio dros dro (er enghraifft, os ydych yn ddi-waith ac yn chwilio am waith).
- Bydd pobl sydd ag ychydig iawn o flynyddoedd cymhwyso yn cael rhywfaint o Bensiwn sylfaenol y Wladwriaeth o leiaf.
Yn ogystal, bydd oedran Pensiwn y Wladwriaeth yn codi o 65 i 68 rhwng 2024 a 2046.
Mae’r Ddeddf hefyd yn darparu ar gyfer Pensiwn sylfaenol y Wladwriaeth i barhau i fod yn seiliedig ar nifer y blynyddoedd cymhwyso rydych wedi’u cronni drwy gyfraniadau Yswiriant Gwladol (p’un a ydynt wedi’u talu, wedi’u trin fel petaent wedi’u talu neu eu credydu).
Talu cyfraniadau Yswiriant Gwladol Gwirfoddol
Gallwch dalu cyfraniadau Yswiriant Gwladol dosbarth 3 gwirfoddol i sicrhau bod gennych y blynyddoedd cymhwyso sydd eu hangen i gael Pensiwn y Wladwriaeth uwch neu Bensiwn sylfaenol y Wladwriaeth llawn. Fodd bynnag, mae nifer y blynyddoedd cymhwyso sydd eu hangen arnoch i fod yn gymwys i gael Pensiwn sylfaenol y Wladwriaeth llawn wedi’i leihau i 30 o flynyddoedd ar gyfer pobl sy’n cyrraedd oedran Pensiwn y Wladwriaeth ar 6 Ebrill 2010 neu ar ôl hynny, felly efallai yr hoffech ystyried yn ofalus p’un a ydych am dalu cyfraniadau Yswiriant Gwladol dosbarth 3 gwirfoddol.
Mae’r Ddeddf Pensiynau ar gael ar wefan DWP
Newidiadau i gyfraddau budd-daliadau a therfynau
Isod mae’r budd-daliadau pensiwn a therfynau enillion ar gyfer 2008/09. Hefyd dangosir cyfraddau ar gyfer 2007/08 er mwyn i chi gael gweld sut mae’r newidiadau yn effeithio arnoch.
| Cyfraddau Pensiwn y Wladwriaeth (wythnosol) | 2007/08 | 2008/09 |
|---|---|---|
| Pensiwn y Wladawriaeth Sylfaenol (yn seiliedig ar eich cyfraniadau Yswiriant Gwladol eich hyn) | £87.30 | £90.70 |
| Pensiwn y Wladwriaeth Sylfaenol (yn seiliedig ar yswiriant eich partner) | £52.30 | £54.35 |
| Pensiwn ar gyfer pobl 80 oed a throsodd | £52.30 | £54.35 |
| Lleiafswm Pensiwn y Wladwriaeth sylfaenol | £21.83 | £22.68 |
| Mwyafswm Pensiwn y Wladwriaeth ychwanegol | £148.14 | £151.10 |
| Credyd Pensiwn (wythnosol) | 2007/08 | 2008/09 |
|---|---|---|
| Lleiafswm Safonol credyd gwarantiedig – ar gyfer person sengl | £119.05 | £124.05 |
| Lleiafswm safonol credyd gwariantedig – ar gyfer cwpwl | £181.70 | £189.35 |
| Mwyafswm credyd cynilo – ar gyfer person sengl | £19.05 | £19.71 |
| Mwyafswm credyd cynilo- ar gyfer cwpwl | £25.26 | £26.13 |
| Terfynau enillion | 2007/08 | 2008/09 |
|---|---|---|
| Terfyn is enillion - wythnosol | £87 | £90 |
| Terfyn is enillion - blynyddol | £4,524 | £4,680 |
| Trothwy pennaf - wythnosol | £100 | £105 |
(Y trothwy pennaf yw’r pwynt ple mae mae’n rhaid i chi ddechrau talu cyfraniadau Yswiriant Gwladol - dosbarth 1 os ydych yn gweithio i gyflogwr. Mae’n rhaid i chi dalu cyfraniadau ar unrhyw beth rydych yn ei ennill yn uwch na’r lefel hwn.)
| 2007/08 | 2008/09 | |
|---|---|---|
| Terfyn is enillion - blynyddol | £13,000 | £13,500 |
| Terfyn uwch enillion - blynyddol | £33,840 | £40,040 |
(Mae codiad dibynnyddion yn godiad yn eich Pensiwn y Wladwriaeth ar gyfer rhywun sydd yn dibynnu arnoch yn ariannol (fel eich gwraig, eich gwr neu rhywun sydd yn edrych ar ôl eich plant i chi). Os ydych wedi gwneud cais am Bensiwn y Wladwriaeth cyn 6 Ebrill 2003, efallai gallwch gael codiad ar gyfer eich eich plant cyn belled ag eich bod â hawl i neu yn cael eich trin fel eich bod â hawl i Fudd-dal Plant ar eu cyfer.)
| Terfynau enillion ar gyfer codiadau dibynnyddion (wythnosol) | 2007/08 | 2008/09 |
|---|---|---|
| Ar gyfer cwpwl syddyn byw gyda’igilydd | £59.15 | £60.50 |
| Ar gyfer cwpwl sydd yn bywar wahan | £52.30 | £54.35 |
| Lwfans treth personol (blynyddol) | 2007/08 | 2008/09 |
|---|---|---|
| Pobl o dan 65 | £5,225 | £5,435 |
| Pobl oedran 65 i 74 | £7,550 | £9,030 |
| Pobl oedran 75 a throsodd | £7,690 | £9,180 |
